FutureOption.net

Бизнис виза за Нов Зеланд

Бизнис виза за Нов Зеланд

Доколку сакате да живеете и да работите во Нов Зеланд како претприемач, да започнете свој бизнис во оваа земја, или да инвестирате средства во некој од деловните сектори на Нов Зеланд, ќе ви треба бизнис виза. Во зависност од вашите намери, можете да аплицирате за Entrepreneur Work виза или за Investor 1 или 2 Resident виза.

За да добиете поканата од Нов Зеланд да аплицирате за Investor 2 визата потребно е за почеток да поднесете Изјава за интерес (Expression of Interest (EOI)).

Услови за бизнис виза

Општи услови за сите типови на виза:

  • Да исполнувате услови за каркатер, добра историја на деловно работење, познавање на англискиот јазик, да сте во добра здравствена состојба и сл.

Entrepreneur Work виза

  • Да имате детален бизнис план со иновативни и корисни идеи за економијата на Нов Зеланд.
  • Да имате капитал од најмалку 100,000 НЗД што имате намера да го инвестирате во вашиот бизнис (за иновативни бизнис идеи во секторите на наука и ИКТ, поединечно се разгледуваат и земаат во вид и помали фондови).

Investor 2 Resident виза

  • Вашата изјава за интерес да биде прифатена од имиграционата служба на Нов Зеланд.
  • Да имате помалку од 65 години.
  • Да имате три години успешно работно искуство.
  • Да имате најмалку 3 милиони НЗД кои планирате да ги инвестирате во Нов Зеланд во период од 4 години.

Investor 1 Resident виза

  • Да имате најмалку 10 милиони НЗД кои планирате да ги инвестирате во Нов Зеланд во период од 3 години.
  • Морате да поминете минимум 45 дена во секоја од последните од 2 до 3 години во Нов Зеланд.

Што овозможува бизнис визата

Оваа виза ви овозможува како претприемач да започнете свој бизнис во Нов Зеланд или да инвестирате пари во еден од економските сектори на Нов Зеланд. Бизнис визата ги вклучува и вашиот партнер/ка и децата. Доколку ги исполнувате сите идни барања за Entrepreneur Work визата, имате можност да аплицирате за Entrepreneur Resident виза со која станувате постојан жител на Нов Зеланд.

Времетраење на бизнис визата

Entrepreneur Work визата трае најмногу 3 години, додека Entrepreneur Resident визата и Investor Resident 1 и 2 се трајни визи.

Аплицирање за бизнис виза

За бизнис визата се аплицира онлајн преку сајтот на имиграционата служба на Нов Зеланд.

Такса и време на обработка

Таксата за обработка на Entrepreneur Work виза изнесува 3,365НЗД, а просечното време на обработка е 21 месец. Таксата за Expression of Interest (EOI) изнесува 620НЗД, а периодот на селекција трае 2 недели, а таксата за обработка на Investor Resident 1 и 2 изнесува 4,960НЗД и просечното време на обработка е од 27 до 29 месеци.

* Future Option е консултантска агенција која обезбедува стручна помош при аплицирање за привремени визи кои ви овозможуваат посета и студирање, како и за веренички и партнер визи за Австралија кои ви овозможуваат траен престој.
* Информациите на страницата, поврзани со работа или миграција во странство, се само за информативни цели.

Одрекување од одговорност: Future Option не се занимава со посредување и наоѓање на работа во странство. Future Option не е агент за вработување или давател на услуги за вработување. Future Option не нуди консултантски услуги за работа во странство.

Потребна Ви е помош за аплицирање за виза за Нов Зеланд?

Пополни го прашалникот