Доколку не сте сигурни во своето познавање на англискиот јазик и сакате да студирате, работите или живеете во Нов Зеланд, курсот по англиски јазик е идеална опција за вас. Курсевите се нудат на над 600 приватни колеџи, на државните технички и политехнички институти, како и на одделни универзитети.
Типови на курсеви
Постојат неколку видови на курсеви по англиски јазик кои можете да ги одберете во зависност од вашите потреби и намери.
- Основно ниво (General English) - За оние кои сакаат да ги унапредат познавањето на англискиот јазик поради секојдневна комуникација, работа или патувања.
- Подготовки за полагање на меѓународни тестови (IELTS, CAE, TOEFL itd.) - За оние кои планираат да полагаат некој од меѓунаордните тестови по англиски јазик.
- Англиски за академски цели (English for academic purposes) - На оние кои сакаат да студираат на некој од новозеландските универзитети овој курс ќе им помогне да развијат јазични вештини неопходни за академско опкружуање.
- Англиски за посебни цели (English for specific purposes) - За оние кои сакаат да го унапредат своето познавање на англискиот јазик поради вработување.
Цена на курсевите
Цените на курсевите зависат од видот, должината на курсот и од тоа дали го посетувате на приватна или државна институција. Цената на курсот за основно ниво на една од државните институции е во просек 300НЗД неделно.
Услови и предности на курсот по англиски јазик во Нов Зеланд
- Нема посебни услови за упис на курс по англиски јазик.
- Курсот можете да го започнете секој понеделник во годината.
- Во зависност од вашите потреби, курсот може да трае од четири недели до една година.
- Ако запишете курс на период дп три месеци потребна ви е туристичка виза, а за курс подолг од три месеци е потребна студенска виза.
- Со овој курс можете да го унапредите своето познавање на англискиот јазик без разлика дали сакате да работите, живеете или студирате во Нов Зеланд.
- Ако треба да полагате IELTS тест, подготвителниот курс во Нов Зеланд може да ви помогне соодветно да се подготвите за тестот.
- Во мултикултурна средина, ќе го научите јазикот побрзо и подобро отколку во на класичните курсеви во вашата земја.
- Периодот додека посетувате курс по англиски можете да го користите за да се запознаете со околината, да остварите нови пријателства и да се прилагодите на идниот живот во Нов Зеланд.
