Во Велика Британија се нудат програми за високо образование, како што се националните високи дипломи - NHD и дипломите за високо образование - DipHE. Ова се студии кои доаѓаат по средното образование и се нудат на универзитетите и колеџите и траат пократко од основните академски студии.

Овие програми обично траат две години и се еквивалентни на првите две години од основните студии, а се нудат и соодветни едногодишни сертификати. Програмите за високо образование се повеќе насочени кон практичното усовршување на студентите за идните кариери, но исто така и за понатамошно образование доколку студентите сакаат да ги продолжат своите студии и да добијат Bachelor диплома.

Школарина за дипломи за високо образование

Школарините за програмите за високо образование се слични на школарините за основните академски студии и зависат од институцијата, областа на студии, локацијата и самата програма. Школарините се движат од 10.000 до 20.000 фунти годишно.

Услови и предности на дипломите за високо образование

• За упис на NHD и DipHE програми е потребна завршено средно образование и меѓународно признат тест по англиски јазик (IELTS, TOEFL, CAE...)
• Квалификациите од Велика Британија се ценети низ целиот свет и отвораат бројни можности за вработување
• Велика Британија е дом на некои од најдобро рангираните и најпрестижните универзитети во светот, како и голем број други високообразовни институции кои се признати ширум светот
• За повеќето од овие програми, можноста за продолжување на образованието и добивање на Bachelor диплома е отворена
• Овие програми се веќе насочени кон полето на студии и стекнување на употребливо знаење и вредни вештини што ги ценат работодавците