Мастер студиите се нудат на униврзитетите во Нов Зеланд но и на одредени приватни образовни институции (ITPs, PTEs).

Постојат два типа на мастер студии:

• Taught Master's
• Research Master's

Овие студии траат од една до две години.

Школарини за мастер студии

Цените на мастер студиите во Нов Зеланд зависат од студиската област и универзитетот. На годишна основа, тие се движат од 26,000НЗД до 37,000НЗД и се плаќаат семестално. За студии од областа на медицината и ветерината школарините се повисоки.

Услови и предности на мастер студиите во Нов Зеланд

• Условите за упис на мастер студии се завршени основни студии и положен IELTS тест (оценката зависи од студиската област и институцијата).
• На мастер студиите на новозеландските универзитети, студентите учат да развиваат и применуваат критичко и аналитичко размислување преку истражувачки проекти, а квалификациите што ги добиваат од студиите се високо ценети низ целиот свет.
• Со студентската виза, како студент на Taught Master студиите можете да работите пола работно време (20 часа неделно) за време на студиите и полно работно време во текот на распустите, како студент на Research Master студиите можете да работите полно работно време преку целата година.
• Вашиот партнер/ка може да аплицира за Partner of a Student Work Visa која му овозможува да работи полно работно време додека вие студирате.
• По завршетокот на студиите со Post-Study Work визата имате можност одредено време да живеете и работите во Нов Зеланд, а потоа и да се квалификувате за постојан престој. Оваа виза се издава на период до три години.