Курс по англиски јазик во Америка

Курс по англиски јазик во Америка

Курсот по англиски јазик е наменет за оние кои планираат да студираат, живеат или работат во САД, а кои не се сигурни во своито познавање на англискиот јазик. Курсот е исто така одлична опција за оние кои немаат доволен број поени за упис на колеџ или универзитет на некој од меѓународните тестови (IELTS, TOEFL и сл.).

Америка е популарна дестинација за меѓународните студенти кога станува збор за курсевите по англиски јазик. Голем број на американски образовни институции - колеџи, универзитети, независни приватни училишта, но и библиотеки - нудат курсеви по англиски јазик.

Типови на курсеви по англиски јазик

Во зависност од вашите потреби и интереси, постојат различни видови на курсеви. Најпопуларните програми за англиски како втор јазик (English as a Second Language – ESL) се:

  • Intensive English Program (IEP) - IEP се наменети за оние кои, од лични или професионални причини, сакаат да учат или да ги подобрат своите вештини за англиски јазик, или да се подготват за упис на колеџ или универзитет. Овие програми опфаќаат почетни и напредни нивоа. Некои IEP програми овозможуваат трансфер на академски студии.
  • American Language and Culture Program (ALCP) - ALCP бараат средно или напредно ниво на англиски јазик и се наменети за оние кои сакаат да се подготват за повисок студиски ниво на колеџ или универзитет, на пример, доколку сакаат да се запишат на постдипломски студии во Америка.

Покрај овие два типа, има и курсеви што се фокусираат само на подготовка за полагање на меѓународните тестови (TOEFL, IELTS, PTE итн).

Цена на курсевите

Цените зависат од видот, нивото, должината на курсот, како и од институцијата и се движат од 170УСД неделно.

Услови и предности на курсот по англиски во САД

  • За упис на курс по англиски јазик не се потребни некои посебни услови освен да имате над 12 години.
  • Во зависност од вашите потреби курсот по англиски јазик може да трае од 2 до 52 недели.
  • Со посетувањето на курсот по англиски можете да ги подобрите своите вештини на англиски јазик за работа или студирање, или да се подготвите да полагате некој од меѓународните тестови ако сакате да запишете студии.
  • Во мултикултурна средина, како што е Америка, ќе го научите јазикот побрзо и подобро отколку да го учите во матичната земја.
  • Ова искуство може да ви помогне да запознаете нови луѓе и нови пријатели, особено ако сакате да живеете, работите или студирате во Америка.

 

* Future Option е консултантска агенција која обезбедува стручна помош при аплицирање за привремени визи кои ви овозможуваат посета и студирање, како и за веренички и партнер визи за Австралија кои ви овозможуваат траен престој.
* Информациите на страницата, поврзани со работа или миграција во странство, се само за информативни цели.

Одрекување од одговорност: Future Option не се занимава со посредување и наоѓање на работа во странство. Future Option не е агент за вработување или давател на услуги за вработување. Future Option не нуди консултантски услуги за работа во странство.

Потребна Ви е помош за аплицирање за виза за Америка?

Пополни го прашалникот за виза