Партнер виза за Австралија

Партнер виза за Австралија

Партнерската виза е наменета за оние чии партнери се државјани или постојани жители на Австралија, со цел да им се обезбеди заеднички живот во Австралија.

Offshore партнерска виза (поткласа 309/100) и Onshore партнерска виза (поткласа 820/801)

Ова се визи кои се обработуваат на две нивоа, па најпрво потребно е да аплицирате за привремена виза и доколку ја добиете ќе поминете одреден период во Австралија додека не добиете конечен одговор за тоа дали сте добиле виза за постојан престој. Offshore и Onshorе визите се разликуваат зависно од тоа од каде аплицирате, па така ако се наоѓате надвор од Австралија најпрво аплицирате за привремена 309 виза, а ако сте веќе во Австралија аплицирате за 820 виза. Подоцна, врз основа на тоа која виза прва ќе ја добиете, аплицирате за соодветна виза за постојан престој, поткласа 100 или 801.

Што Ви овозможува партнерската виза

Привремената виза Ви овозможува да останете во Австралија, додека не се донесе конечна одлука за виза за постојан престој. За тоа време можете да работите, студирате, патувате од и кон Австралија неограничен број пати. Покрај тоа можете да си платите и за австралиско здравствено осигурување и до 510 бесплатни часови по англиски јазик, обезбедени од страна на Adult Migrant English Program.

Визата за постојан престој, покрај сите предности од привремената виза, Ви овозможува и постојан престој во Австралија. Со тоа ќе бидете во можност да ги спонзорирате роднините за различни визи и доколку ги исполните сите услови и да аплицирате за австралиско државјанство.

Такси и време на обработка

Таксата за обработка на апликацијата за виза чини од 7.160AUD доколку аплицирате за Onshore- или Offshore-виза. Просечното време на обработка на привремената виза е од 13 до 18 месеци. За одлуката за одобрување на виза за постојан престој се чека просечно 2 години.

* Future Option е консултантска агенција која обезбедува стручна помош при аплицирање за привремени визи кои ви овозможуваат посета и студирање, како и за веренички и партнер визи за Австралија кои ви овозможуваат траен престој.
* Информациите на страницата, поврзани со работа или миграција во странство, се само за информативни цели.

Одрекување од одговорност: Future Option не се занимава со посредување и наоѓање на работа во странство. Future Option не е агент за вработување или давател на услуги за вработување. Future Option не нуди консултантски услуги за работа во странство.

Потребна Ви е помош за аплицирање за виза за Австралија?

Пополни го прашалникот