Graduate и postgraduate certificate и diploma во Нов Зеланд

Graduate Certificate и Graduate Diploma, како и Postgraduate Certificate и Postgraduate Diploma се студиски програми кои се нудат на универзитетите и поедини колеџи (ITPs, PTEs) во Нов Зеланд.

Graduate Certificate и Diploma доаѓаат пред, а Postgraduate Certificate и Diploma по основните студии и имаат за цел да го продлабочат вашето знаење стекнато во претходните студии или да го прошират на други студиски области. Овие програми се осмислени како специјализации во специфични области, па можат да бидат од голема помош при вработувањето или напредокот во кариерата, како и да ве подготват за мастер студии, кои, за разлика од овие програми, имаат академски карактер.

Во зависност од видот и областа на студирање, овие програми можат да траат од шест месеци до две години.

Школарина за Graduate и Postgraduate Certificate и Diploma

Школарините за овие програми се разликуваат според типот, студиската област и институцијата. Тие се движат од 12,000НЗД до 32,000НЗД за целата програма, а плаќањата се вршат на рати.

Услови и предности на Graduate и Postgraduate Certificate и Diploma во Нов Зеланд

• Условите за упис на овие програми се завршени основни студии и положен IELTS тест (оценката зависи од студиската област и институцијата).
• Овие програми се професионално ориентирани, продлабочувајќи го стекнатото знаење на основните студии, што може да корисно за унапредување на вашата кариера.
• Со овие студии можете да се ориентирате на други, нови области на студии и на тој начин да започнете нова кариера.
• Со студентска виза, имате можност да работите пола работно време (до 20 часа неделно) за времетраењето на наставата и полно работно време за време на распустите и празниците.
• Ако студирате област која е дефицитарна, вашиот партнер може да аплицира за Partner of a Student Work Visa која му дава можност да работи полно работно време во текот на вашите студии.
• По завршувањето на студиите, имате право да аплицирате за Post-Study Work виза што ви овозможува да работите во Нов Зеланд одреден временски период, што може подоцна да ви помогне да останете трајно во оваа земја.