Европските земји се многу популарни дестинации за студирање, не само поради квалитетното образование и добрите услови за студирање што ги нудат, туку и поради единствената мултикултурна средина, можноста да се научат или да се усовршат странски јазици и да се запознаат нови култури и народи. Покрај разните студиски програми, сите европски земји на меѓународните студенти нудат и опција за учење на јазик. Не постои поефикасен начин да се научи и подобри знаењето на странски јазик и вокабуларот од учењето и живеењето во средина каде што тој јазик се користи секој ден и каде што студентите можат да комуницираат со луѓе чиј е мајчин јазик.
Генерално, европските земји нудат флексибилни опции за учење јазик во јазични школи и образовни институции. Постојат различни видови на курсеви, тие можат да бидат стандардни и интензивни и можат да се комбинираат едни со други. Во зависност од дестинацијата и институциите, курсевите можат да започнат секој понеделник или секој месец, додека некои институции нудат фиксни почетоци неколку пати годишно. Покрај тоа, курсевите за јазик можат да траат од неколку недели до една година.
Типови на курсеви
Генерално најпопуларни типови на курсеви се:
- Летни курсеви - Многу земји нудат летни курсеви кои најчесто се наменети за ученици и студенти кои сакаат летниот распуст да го посветат за учење на јазик во странство и да запознаат нова земја и луѓе.
- Основно ниво - Овие курсеви се дизајнирани за учење и усовршување за на јазикот за секојдневна употреба, учење, работа или патување.
- Јазик за академски цели - Целта на овие курсеви е усовршување на јазичните вештини како подготовка за студии на тој јазик.
- Јазик за деловни цели - Овие курсеви се наменети за подобрување на јазикот за специфични цели како што се деловна комуникација, преговарање, презентација, итн.
- Подготовка за полагање на тестови - Подготвителни курсеви се наменети за оние кои сакаат да се подготват за полагање на официјални тестови за странски јазик.
Цена на курсевите
Школарините за јазичните курсеви варираат низ цела Европа, најмногу во зависност од земјата и градот, како и институцијата и типот на курсот. На неделно ниво, школарината се движи од 100 ЕУР до неколку стотици евра неделно.
Услови и предности на посетувањето на јазични курсеви во Европа
- За упис на јазични курсеви не постојат некои специфични услови, а некои поединечни институции можат да имаат услов за возраст на студентите за одредени типови на курсеви
- За да се запише курс по јазик, не е потребно да се полага меѓународно признат тест за јазик, како што е случај за другите опции за студирање
- Ширум Европа се нудат квалитетни курсеви за европски јазици, дизајнирани да им овозможат на студентите да ги совладаат јазичните вештини на најефикасен начин
- Курсевите по јазик во Европа се прилично флексибилни, во зависност од дестинацијата и институцијата и можат да се започнат секој месец
- Европа има широк спектар на програми и нуди можност да научите еден јазик во неколку европски земји
- Учењето на јазик во земја каде што студентот е изложен на секојдневна комуникација на тој јазик е многу поефикасно и поквалитетно отколку да учи странски јазик во матичната земја
- Студентите кои ќе се определат за курс по јазик во странство можат да го искористат ова време за да се подготват за понатамошни студии во странство, како и за работа и живот во нова средина
