Студирање во Австралија

Извонреден квалитет на образование

Меѓународните студенти се многу важни за економијата на Австралија, па затоа Владата на Австралија вложува големи напори за регулирање на образовниот сектор. Осум австралиски универзитети се наоѓаат на листата на 100 најдобри универзитети во светот, а квалификациите со кои ќе се здобиете се глобално признати. Исто така, можете да најдете многу можности за целосни или делумни стипендии за меѓународни студенти кои ги нудат Владата и универзитетите на Австралија.

Мултикултурно население

Австралија е мултикултурна земја, што е видливо преку разновидната храна, начинот на живот, културните обичаи кои се присутни во Австралија. Додека студирате во Австралија ќе запознаете луѓе од различни делови на светот, што ќе Ви помогне да научите повеќе и за другите земји, нации и култури. Австралијанците се познати по љубезноста и без оглед на тоа каде живеат, ќе им помогнат на другите кога е потребно.

Можности за работа

Дипломираните студенти на австралиските универзитети се почитувани и препознавани ширум светот, па поради тоа имаат одлични шанси за вработување.

Исто така, ќе имате можност да работите за време на студирањето и да стекнете работно искуство. Доколку сте во Австралија со студентска виза, вообичаено ќе можете да работите 20 часа неделно.

Можности за истражување

Австралиските универзитети го промовираат практичното учење и нудат многу можности за студентите да се вклучат во истражување. Австралија се наоѓа во топ 10 земјите кога станува збор за издвојување на средства за истражување и развој, а позната е и по побрзото усвојување на новите технологии во однос на другите земји во светот. Научниците и истражувачите од Австралија се одговорни за многу големи откритија и технолошки иновации.